Хабарҳо

Тамошои филми «Хиёнат» дар факултети таърих ва ҳуқуқ

ХОРУҒ, 24. 09. 2020 /ДОНИШГОҲИ ДАВЛАТИИ ХОРУҒ/Дар факултети таърих ва ҳуқуқи Донишгоҳ бо иштироки декани факултет, н. и. ф. Лола Назархудоева ва омӯзгорону донишҷӯёни факултет тамошои аҳлонаи филми мустанади «Хиёнат» доир шуд.

Қабл аз оғози филм роҳбарияти факултет зикр намуд, ки мардуми Тоҷикистон ҳеҷ гоҳ фаромўш нахоҳанд кард, ки ташкилоти террористию экстремистии Ҳизби наҳзати исломӣ яке аз субъектҳои асосии барангезандаи ҷанги таҳмилии шаҳрвандӣ солҳои 90 -ум дар кишвар буд. Давоми панҷ соли ин ҷанг зиёда аз 150 ҳазор нафар ҳамватанон ба ҳалокат расида, тахминан ду миллион нафар шаҳрвандон бехонаву дар монданд,  ҳазорҳо оилаҳо бесаробон шуда, фарзандони худро аз даст доданд. Баъзе минтақаҳои кишвар дар бунбасти иқтисодӣ монда, мардум аз гуруснагӣ азоб мекашиданд. Аз рўи баъзе маълумотҳо ба иқтисодиёти Тоҷикстон зиёда аз 10 миллиард доллари ИМА зарари моддӣ расидааст.

Воқеан натиҷаи талошу заҳматҳои Ҳукумати Тоҷикистон бо сарварии Пешвои муаззами миллат, Президенти кишвар муҳтарам Эмомалӣ Раҳмон буд, ки оташи ҷанги бародаркуш хомўш гардид ва мардуми сулҳпарвари мо то ба ин рўзҳои хушу осуда ва созандагиву ҳамдигарфаҳмӣ расиданд.

khogu.tj

Муфаcсал...

Тамошои аҳлонаи филми ҳуҷҷатии «Хиёнат»

ХОРУҒ, 23. 09. 2020 /ДОНИШГОҲИ ДАВЛАТИИ ХОРУҒ/ Имрӯз, 23 сентябр бо иштироки раёсату устодон ва кормандони Донишгоҳ тамошои аҳлонаи филми ҳуҷҷатии «Хиёнат» доир шуд.

Пеш оғоз, ҷонишини ректор оид ба тарбия Ниёзалӣ Қамбаров баромад намуда, оид ба вазъи имрӯзаи сиёсии Ҷумҳурии Тоҷикистон ва давлатҳои дигар, ки дар орзуи сулҳу амонии кишвар ҳастанд, ибрози андеша намуд.

Номбурда перомуни муҳиммияти филм, ифшо шудани дурӯғу найрангҳо, нақшаҳои тахрибкоронаи саркардагону роҳбарони ташкилоти экстремистию террористии Ҳизби наҳзати исломӣ ва хоҷагони хориҷиашон маълумоти зарурӣ пешниҳод кард.

Зикр гардид, ки тамоми комёбиву дастовардҳои кишвар дар солҳои соҳибистиқлолӣ натиҷаи заҳматҳои фидокоронаву ҷонфидоёна ва ташаббусҳои бемислу қаҳрамононаи Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон мебошанд ва феълан ҷомеаи ҷаҳонӣ Тоҷикистон чун як давлати ҳуқуқбунёду демократӣ, соҳибистиқлолу дунявӣ пазируфтааст.

Таҷрибаи талхи ҷанги шаҳрвандии солҳои гузашта худ далели он аст, ки ягон давлат рақиби сиёсӣ ва ҳарифони қудратталабашро аз сангарҳои ҷанг берун оварда, зимоми давлатдориро ба онҳо насупоридааст.

Зимни тамошои филми “Хиёнат” ҳамаи устодон аз нобасомониҳои гузашта ва ҷанги таҳмилӣ, ки бар сар мардуми тоҷик аз тарафи хоҷагони манфиатҷӯ оварда шуда буд, бори дигар ба чашм худ диданд. Инчунин, фаъолияти ғарзноконаи ҲНИ, ки чандин нафарон аз фаъолияти он зиндонӣ, беватан ва ҳазорони дигар ҷон бохтанд  ва ба мардуми осоишта бадбахти оварданду ба доми фиреби онҳо гирифтор шуданд, аз наздик шинос шуданд. Аз тамошои филм устодон ба хулоса расиданд, ки минбаъд ҳам набояд зиракии сиёсиро аз даст дод ва саркардагоне, ки имрӯз дар хориҷӣ кишвар ба мисли М. Кабирӣ ва дигар ҳизбиён ҳастанд, фирефта нашаванд ва вокунишҳо алайҳи таблиғоти номуносиби онҳо ба роҳ монанд.

Дар фарҷом аз тарафи иштирокдорон пешниҳод гардид, ки филм бояд дар сатҳи факултетҳо барои донишҷӯён намоиш дода шавад ва фикру мулоизаҳои онҳо оид ба хиёнаткорону нафароне, ки дар хориҷи  кишвар ҳанӯз дар тинаташ нияти бад нисбати ин қавми тоҷик аст, иброз намоянд.

www.khogu.tj

Муфаcсал...

Даври навбатии Озмуни “Фуруғи субҳи доноӣ...” гузашт

ХОРУҒ, 23. 09. 2020 /ДОНИШГОҲИ ДАВЛАТИИ ХОРУҒ/ Имрӯз, 23 сентябр дар толори хониши Донишгоҳ даври навбатии озмуни ҷумҳуриявии “Фурӯғи субҳи доноӣ китоб аст” баргузор гардид.

Ин навбат ҳам аъзоёни комиссияи озмун доктори илмҳои филологӣ, профессор Назрӣ Офаридаев, ҷонишин ректор оид ба тарбия, н. и. ф. Ниёзалӣ Қамбаров, декани факултети филология, н.и.ф. Азатшо Насридиншоев ва мудири Шуъбаи кор бо ҷавонони донишгоҳ Дидоршоҳ Насриддинов истеъдоди иштирокдоронро ҳаматарафа мавриди омӯзиш қарор дода, хулосаҳои лозимиро пешниҳод намуданд.

Мавриди зикр аст, ки озмуни дар асоси низомнома ҷиҳати таъмини иҷрои мактуби Роҳбари Дастгоҳи иҷроияи Президенти Ҷумҳурии Тоҷикистон аз 16. 03. 2020, №16/10-83 бо дастгирӣ ва ҳавасмандгардонии донишҷӯёну магистрантон, докторантони PhD ва омӯзгорони донишгоҳ, баланд бардоштани савияи дониши донишҷӯёну магистрантон, докторантону омӯзгорони донишгоҳ, тарғиби китобдориву китобхонӣ ва дарёфти ғолибон барои даврҳои минбаъда гузашт.

Инчунин, озмун дар асоси фармоиши ректори донишгоҳ аз рӯи номинатсияҳои аз ёд кардану хондани осори адибони классики тоҷик, осори адибони муосири тоҷик, ашъори бачагона ва афсонаву ривоятҳои халқи тоҷик, осори адабиёти ҷаҳон ва истеъдоди шоирӣ гузаронида шуда, беҳтаринҳо ба даври вилоятӣ роҳхат меёбанд.

“Фурӯғи Маърифат”

Муфаcсал...

«РЕЗАБОРОНИ БАҲОРӢ» БА НАШР РАСИД

ХОРУҒ, 23. 09. 2020 /ДОНИШГОҲИ ДАВЛАТИИ ХОРУҒ/Дар нашриёти «ЛогосПлюс»-и шаҳри Хоруғ китоби нави маҷмӯаи ашъори омӯзгори Донишгоҳи давлтии Хоруғ Нурбибӣ Ғарибмамадова бо номи «Резаборони баҳорӣ» ба забони тоҷикӣ чоп шуд.

“Резаборони баҳорӣ” бо теъдоди 100 нусха таълиф ёфта,  он асосан аз  шеърҳои“Ваҳдат баҳори мост”, “Ватанам, баҳор омада боз”,“Тоҷикистон, Наврӯз шуд”,“Бадахшон биё, Истиқлоли мо”, “Куҷо рафтӣ, аё устод” (Ба хотираи неки устод Ширин Бунёд), “Дорам умед” ва дигар ашъори дилнишину пурмуҳтафо иборат мебошад.

Тавре муҳаррири китоб, узви Иттифоқи нависандагони Тоҷикистон Кӯйбек Шарифзода дар охирсухани “Резаборони баҳорӣ” дар бораи муаллиф зикр менамояд: «Нурбибиро кайҳо боз мешиносаму бо эҷодиёташ ошно ҳастам. Номбурда дар майдони адабиёт кайҳо боз қадам монда истодааст...Шеърҳояш дар матбуоти даврӣ аз солҳои 80 – уми асри гузашта нашр мешаванд. Инак, Нурбибӣ Ғарибмамадова шеърҳояшро дар маҷмӯаи “Резаборони баҳорӣ” гирд оварда, ҳаволаи хонандагон мекунад. Мо ба ӯ фотиҳаи хайр дода, барори кор хоҳонем».

Н. Ғарибмамадова соли 1961 дар деҳаи Вужи ноҳияи Шуғнон ба дунё омада, мактаби миёнаи ҳамин деҳаро бо баҳои хубу аъло хатм намудааст. Ӯ ба адабиёт, хосса шеъру шоирӣ аз овони мактабхониаш майлу рағбат доштааст. Соли 1984 Донишгоҳи омӯзгории ба номи Т. Г. Шевченко (ҳоло ба номи С. Айнӣ) хатм намуда, то соли 1992 дар МТМУ № 49 – и шаҳри Душанбе ба сифати омӯзгор кору фаъолият мекард. Аз соли 1992 то инҷониб мавсуф саромӯзгори факултети филологияи тоҷики Донишгоҳи давлатии Хоруғ ба номи М. Назаршоев мебошад.

“Фурӯғи Маърифат”

Муфаcсал...

Аъзои ташкилоти ҷамъиятии «Маркази маънавиёт ва маърифати ӯзбекон»-и вилояти Суғд номзадии Пешвои миллат Эмомалӣ Раҳмонро ба мансаби Президенти ҶТ дастгирӣ намуданд Featured

ДУШАНБЕ, 17.09.2020 /АМИТ «Ховар»/. 17 сентябр дар толори китобхонаи ба номи «Тошхӯҷа Асирӣ»-и шаҳри Хуҷанд аъзои ташкилоти ҷамъиятии «Маркази маънавиёт ва маърифати ӯзбекон»-и вилояти Суғд бахшида ба муҳимтарин маъракаи сиёсии сол – интихоботи президентӣ,   дастгирии номзадии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва маҳкум сохтани  фаъолияти ТТЭ ҲНИ анҷуман доир намуданд, хабар медиҳад АМИТ «Ховар».

Муфаcсал...

Ҷаласаи навбатии ректорат ва Шурои олимон

ХОРУҒ, 15. 09. 2020 /ДОНИШГОҲИ ДАВЛАТИИ ХОРУҒ/ Бо иштироки раёсат, олимону омӯзгорон ва кормандони Донишгоҳ ҷаласаи навбатии ректорат ва Шурои олимон баргузор гардид.

Дар ҷаласа асосан масоили супоридани имтиҳоноти такрорӣ, аз курс ба курс гузаронидани муҳассилини факултетҳо, вазъи иҷрои фармоиши мушовараи Вазорати маориф ва илми Ҷумҳурии Тоҷикистон аз 15. 07. 2016, № 2122, Низомномаи хориҷу барқарор дар факултетҳо, муҳокимаву таҳсил, давомот ва имтиҳонсупорӣ дар шуъбаи фосилавии донишгоҳ ва пешгирии паҳншавии COVID мавриди баҳсу баррасӣ қарор гирифтанд.

Баъдан дар Шурои олимон масъалаҳои натиҷаи имтиҳоноти қабули донишҷӯён ба шуъбаҳои рӯзонаи буҷавӣ, шартномавӣ ва ғоибонаи буҷавию шартномавӣ барои соли хониши 2020 – 2021, бо тағйироту иловаҳо тасдиқ намудани сарбории таълимии ҳайати профессорону омӯзгорон барои солҳои 2020 – 2021 ва тасдиқи ҳайати аъзоёни шуро муҳокима шуданд.

Сипас, масоили ҷорӣ ва қарорҳои дахлдор қабул гардиданд.

“Фурӯғи Маърифат”

Муфаcсал...

Устодону кормандони Донишгоҳ қадрдонӣ шуданд

ХОРУҒ, 15. 09. 2020 /ДОНИШГОҲИ ДАВЛАТИИ ХОРУҒ/ Дирӯз, 14 сентябр ректори Донишгоҳи давлатии Хоруғ, профессор Шермамад Ҷонмамадов як қатор омӯзгорону кормандони донишгоҳро бо ифтихорномаҳои Вазорати маориф ва илми Ҷумҳурии Тоҷикистон қадрдонӣ намуд.

Азҷумла, Гулмоҳ Сафдарқулова, мудири кафедраи таърихи умумӣ, Маҳбуб Раҷаббеков, мудири кафедраи филологияи англис, Далер Раҳматшоев, мудири Маркази тести ва дигар омӯзгорон барои хизмати бисёрсолаи бенуқсон дар соҳаи илму маорифи кишвар, саҳми арзанда гузоштан дар тарбияи насли наврас, фаъолияти шоиста дар ҳаёти ҷамъиятӣ бо чунин ифтихорномаҳо мушарраф шуданд.

Инчунин, ректори ДДХ устоди донишгоҳ Саидик Нозимовро ба муносибати 70 - солагиаш табрику таҳният намуда қайд кард, ки номбурда аз ҷумлаи омӯзгоронест, ки тамоми умри пурбаракаташро ба таълиму тадрис ва тарбияи наврасону ҷавонон бахшидааст.

Феълан муассисаи таълимӣ пеш аз ҳама ба чунин омӯзгорони ҳалиму пуртаҷриба ва намунаи ибрат барои муаллимони ҷавон ниёз дошта, таҷрибаи онҳо минбаъд ҳам барои донишгоҳ чун обу ҳаво зарур аст.

«Фурӯғи Маърифат»

Муфаcсал...

Тоҷикистон ва Афғонистон ҳамкории амниятиро тақвият мебахшанд Featured

ДУШАНБЕ, 11.09.2020 /АМИТ «Ховар»/. 9-11 сентябр ҳайати Кумитаи давлатии амнияти миллии Ҷумҳурии Тоҷикистон бо роҳбарии Раиси Кумита Саймумин Ятимов ба шаҳри Кобули Ҷумҳурии Исломии Афғонистон сафари корӣ анҷом дод, хабар медиҳад АМИТ «Ховар».

Муфаcсал...
Subscribe to this RSS feed

Log in

create an account