Хабарҳо

Вусъати корҳои ободонӣ дар Хоруғ

ХОРУҒ, 01. 04. 2020 /ДОНИШГОҲИ ДАВЛАТИИ ХОРУҒ/ Субҳи имрӯз, 1 апрел аҳли Донишгоҳи давлатии Хоруғ ба номи Моёншо Назаршоев таҳти роҳбарии ректори Донишгоҳ профессор Шермамад Ҷонмамадов дар ҳудуди Боғи набототи Помири маркази Вилояти Мухтори Кӯҳистони Бадахшон ҳашари дастаҷамъона гузаронданд.

Раёсат, муовинони ректору деканҳои факултетҳо, мудирони кафераву шуъбаҳои донишгоҳӣ, омӯзгорон ва дигар кормандони Донишгоҳ роҳи асосии самти мавзеи Дашти Вартсушч ва боғро аз ҳар гуна санглох, хокрӯбаву набототи хушк ва хасу хошок тоза намуда, дар канори рости он деворҳои муҳофизакунанда бунёд карданд.

Мавриди зикр аст, ки чунин корҳои созандагӣ аз моҳи аввали фасли баҳори соли равон дар ҳудуди Донишгоҳ ва берун аз он бо иқдоми роҳбарияти ДДХ ҷараён доранд.

Муфаcсал...

В ХОГУ ПОСТУПИЛИ НОВЫЕ КНИГИ

ХОРОГ, 30. 03. 2020 /ХОРОГСКИЙ ГОСУДАРСТВЕННЫЙ УНИВЕРСИТЕТ/ В рамках сотрудничества между Федеральным государственным бюджетным образовательным учреждением высшего образования «Российским государственным геологоразведочным университетом имени Серго Орджоникидзе» и Хорогским государственным университетом имени М. Назаршоева в библиотечный фонд университета были переданы учебные книги по геологии для поддержки учебной и научно-исследовательской деятельности кафедры инженерных дисциплин.

Администрация Хорогского государственного университета имени М. Назаршоева выражает свою благодарность Российскому государственному геологоразведочному университету имени Серго Орджоникидзе и лично доктору геолого-минералогических наук, профессору Дьяконову Виктору Васильевичу за неоценимый вклад в деле развития нашего университета.

Благодаря рекомендациям международного консультанта Виктора Васильевича Дьяконова при поддержке Университета Центральной Азии в Хорогском государственном университете имени М. Назаршоева были созданы и оснащены новейшим оборудованием лаборатория шлифования и камнеобработки, лаборатория петрографии и минералогии, лаборатория месторождений полезных ископаемых и шлихового анализа и лаборатория ГИС технологий.

Сайфуллоева О. проректор по международным

 отношениям Хорогского государственного

 университета имени М. Назаршоева

 

Муфаcсал...

“Тозагӣ аз ҳар яки мо вобаста аст”

ХОРУҒ, 30. 03. 2020 /ДОНИШГОҲИ ДАВЛАТИИ ХОРУҒ/ Таҳти шиори болозикр дар хобгоҳи бинои № 2 – и Донишгоҳи Давлати Хоруғ аксияи тозагӣ – гигиенӣ доир шуд.

Донишҷӯдухтарони хобгоҳ бо роҳбарии Собирзода Идигул, донишҷӯи курси 2 – и факултети таърих ва ҳуқуқ ошхона, зинапояву утоқҳои дигар хобгоҳро аз чангу ғубор тоза карда, дар умум се ошёнаи хобгоҳро рӯбучин карданд.

Бояд қайд намуд, ки ин иқдом ҳар ҳафта ду маротиба аз тарафи донишҷӯдухтарон сурат гирифта, дар ин муддат ҷавонписарони хобгоҳ бошад гирду атрофи хобгоҳро аз ҳаргуна хасу хошок тоза менамоянд.

Имомзода Фирдавси Абдумалик, раиси

Созмони ҷавонони факултети биология

Муфаcсал...

Ҷавонон масоили гуногунро баррасӣ намуданд

ХОРУҒ, 30. 03. 2020 /ДОНИШГОҲИ ДАВЛАТИИ ХОРУҒДар асоси нақшаи чорабиниҳои Шуъбаи кор бо ҷавонони Донишгоҳи давлатии Хоруғ ба номи Моёншо Назаршоев чанде пеш бо ширкати раисони созмонҳои ҷавонони факултетҳо ҷаласаи корӣ баргузор гардид.

Дар он асосан се масъала, натиҷаи фаъолияти семоҳа, омодагӣ барои чорабиниҳои оммавӣ – варзишӣ, кушодани саҳифаҳои созмонҳои ҷавонони факултетҳо дар шабакаҳои иҷтимоӣ ва гузаштани ҳашарҳои умумӣ дар сатҳи факултетҳо мавриди баҳсу баррасӣ қарор гирифт.

Дар асоси масъалаи аввал ҳамаи роҳбарони созмонҳо ахборот дода, оид ба рафъи камбудиҳои ҷойдошта аз тарафи мудири шуъба супоришҳои иловагӣ гирифтанд.

Аз рӯи масъалаи дуюм, роҳбари созмони ҷавонони факултети забонҳои хориҷӣ Даврон Бобомуратов ахборот дода, муовинони мудири шуъбаи кор бо ҷавонони Донишгоҳ вазифадор шуданд, то нақшаи чорабинихои варзиширо омода намуда барои гузаронидани онҳо омодагии ҷиддӣ бинанд.

Аз рӯи масъалаи сеюм Дидоршоҳ Насриддинов, мудири шуъба баромад намуда, ҷиҳати роҳандозии фаъолияти пурсамар ва тарғиб намудани кори созмонҳо дар шабакаҳои иҷтимоӣ, сари вақт гузаронидани ҳашару шанбегиҳо ва дигар масоил ба масъулини созмонҳо супоришҳои мушаххас дод.

Дар масъалаи ҷорӣ бошад, пешниҳоди роҳбари Созмони ҷавонони факултети филология Шаробов Обид, яъне иваз намудани аксҳои фаъолони Донишгоҳ дар гӯшаҳои деворӣ пазируфта шуда, дар робита бо ин то санаи дуюми моҳи апрел мӯҳлат муқаррар гардид.

Инчунин вобаста ба таҳким бахшидани корҳои тозагиву беҳдошт дар соҳили дарёҳо ва дигар ҷойҳои муайян раиси Созмони ҷавонони факултети биология Фирдавс Имомзода масъалагузорӣ карда, ин иқдом низ аз ҷониби ҳозирин ҳозирин хуш пазируфта шуд.

Муфаcсал...

Марҳабо, Наврӯзи хуҷастапай!

ХОРУҒ, 20. 03. 2020 /ДОНИШГОҲИ ДАВЛАТИИ ХОРУҒ/ Бахшида ба ҷашни байналмилалии Наврӯз дар факултети педагогӣ чорабинии тантанавӣ бо унвони “Марҳабо, Наврӯзи хуҷастапай!” гузашт.

Чорабиниро донишҷӯёни курси сеюми бахши педагогикаи иҷтимоии факулта гузаронида, аз тарафи онҳо навъҳои гуногуни таому либосҳои миллӣ ба маърази тамошо гузошта шуд.

Муҳассилину ҳозиринро декани факултет Қадам Қадамов ва мудири кафедраи методикаи таълими ибтидоӣ Усния Абдулофизова ба муносибати ҷашн табрик намуда, дар фаъолиятҳои минбаъда бурбориҳоро таманно карданд.

Қисми дигари чорабнӣ иборат аз қироати шеъру таронахои наврӯзӣ буда, донишҷӯён беҳтарин ашъорро манзури иштирокдорон намуданд.

Обид Шаропов, раиси Созмони

ҷавонони факултаи филология

Муфаcсал...

Наврӯзи аҷам омад

ХОРУҒ, 20. 03. 2020 /ДОНИШГОҲИ ДАВЛАТИИ ХОРУҒ/Дар толори китобхонаи Донишгоҳи давлати Хоруғ ба номи Моёншо Назаршоев бахшида ба ҷашни Наврӯз бо ибтикори факултети биология конференсияи илмӣ - назариявӣ таҳти унвони "Наврӯзи аҷам омад" баргузор шуд.

Конференсияро ноиби ректор оид ба илм ва инноватсия Таҳмина Саодатқадамова кушода, оид ба “Таърихи пайдоиши Наврӯз ва муҳиммияти он" маърӯза намуд.

Инчунин мудири Шуъбаи кор бо ҷавонони ДДХ Дидоршоҳ Насриддинов мавзӯи "Шукуҳи Наврӯз ва ҷашнгирии он" ва дигар донишҷуёни факулта ҳам маърӯзаҳои гуногунро пешкаши ҳозирин карданд.

Дар интиҳо Рамзия Назарбекова, муаллимаи кафедраи туризм ва биология бори дигар иштирокдоронро ба ифтихори ид табрику шодбош намуд.

Раиси Созмони ҷавонони факултети

биология Имомзода Фирдавси Абдумалик

Муфаcсал...

Наврӯз - соли нави аҷдодии мардуми ориёӣ

ХОРУҒ, 19. 03. 2020 /ДОНИШГОҲИ ДАВЛАТИИ ХОРУҒ/Зери ин унвон дар китобхонаи марказии шаҳри Хоруғ ба номи Ҳофизи Шерозӣ чорабинии фарҳангӣ доир шуд.

Чорабинӣ бо иқдоми донишҷӯёни курси якуми бахши туризми факултети биологияи Донишгоҳи давлатии Хоруғ ба номи Моёншо Назаршоев гузашта, дар он оид ба ҷашни Наврӯз ашъору мавзӯъҳои гуногун пешниҳод шуданд.

Азҷумла, донишҷӯён Гулхотун Мунаҷимшоева, Манижа Мамадшоева ва Низора  Мунаҷимшоева оид ба “Таърихи пайдоиши Наврӯз”, “Ҷаҳонӣ шудани Наврӯз”, “Ҳафтсину ҳаштсин” маърӯзаҳои ҷолибро ироа намуданд.

Сипас аз тарафи муҳассилини бахш дар васфи соли нави аҷдодӣ шеърҳои гуногун қироат шуда, инчунин суруду мусиқӣ ва рақси якка пешкаши ҳозирин гардид.

Дар фарҷом роҳбари Созмони ҷавонони факултаи биологияи ДДХ Фирдавс Имомзода ва мудири китобхона Шаҳноза Давлатова бо таманниёти беҳтарини наврӯзӣ иштирокдоронро табрик карданд.

Имомзода Фирдавси Абдумалик, раиси

Созмони ҷавонони факултети биология

Муфаcсал...
Subscribe to this RSS feed

Log in

create an account