Донишгоҳи давлатии Хоруғ

ХОРУҒ, 31. 12. 2020 /ДОНИШГОҲИ ДАВЛАТИИ ХОРУҒ/. Имрӯз, 31 декабр, 20 нафар донишҷӯёни Донишгоҳи давлатии Хоруғ, ки чанде қабл дар мусобиқаи ҷумҳуриявӣ аз намуди волейбол ҷойҳои ифтихориро соҳиб шуданд, бо мукофотпулии роҳбарияти донишгоҳ қадрдонӣ гардиданд.

Дар ибтидо ректори донишгоҳ, доктори илмҳои физикаю математика, профессор Юсуфзода Гулзорхон Амиршоҳ донишҷӯписарону ҷавондухтароне, ки шарафи донишгоҳро дар миёни 35 муассисаи таҳсилоти олӣ ва миёнаи касбии Ҷумҳурии Тоҷикистон ҳимоя намуда, зинаҳои аввалу дуюмро ба даст оварданд, бо фарорасии Соли нави мелодӣ табрику таҳният кард.

Зикр гардид, ки аҳли донишгоҳ бо чунин донишҷӯён ва устодони онҳо фахр намуда, дар қадрдонии онҳо минбаъд низ аз тарафи раёсати донишгоҳ тадбирҳои зарурӣ мавриди амал қарор мегиранд.

Ёдрас мешавем, ки ҳадафи асосии мусобиқа тарғиби тарзи ҳаёти солим, ҷалб намудани ҷавонон ба машғули мунтазами тарбияи ҷисмонӣ, рушди варзиши касбӣ байни донишҷӯёни муассисаҳои таҳсилоти олӣ ва миёнаи касбии ҷумҳурӣ, баланд бардоштани маҳорати варзишии варзишгарон ва муайян намудани узви дастаи мунтахаби Ҷумҳурии Тоҷикистон миёни муассисаҳои болозикр ва амалигардонии «Барномаи маҷмӯии рушди тарбияи ҷисмонӣ ва варзиш дар Ҷумҳурии Тоҷикистон барои солҳои 2017 – 2021» буд.

Инчунин, ректори донишгоҳ омӯзгори кафедраи тарбияи ҷисмонӣ, дотсент Бекназар Мавлоназаров ва дигар кормандони ДДХ - ро, ки дар тарбияи муҳассилину пешравии фаъолияти донишгоҳ саҳми арзанда гузоштанд, бо тӯҳфаҳои молию маблағӣ мушарраф намуд.

Ҳамкорону омӯзгорон ва донишҷӯёни азиз!

Баъди чанд лаҳза Соли нави мелодии 2021 фаро мерасад ва мову шумо онро бо дилҳои лабрези шодиву нишот ва умеду орзуҳои нек истиқбол хоҳем гирифт.

Ба ин муносибат аҳли Донишгоҳи давлатии Хоруғро аз самими қалб муборакбод гуфта, ба ҳамагон тани сиҳат, рӯзгори осуда ва зиндагии пурфайзу баракатро орзу менамоям.

Мо шукрона аз он дорем, ки соли навро дар фазои сулҳу суботи комил, ваҳдати миллӣ, рӯҳияи созандагӣ ва шодмонию рӯҳбаландӣ, бо орзуву ниятҳои нек пешвоз мегирем.

Мавриди зикр аст, ки Донишгоҳи давлатии Хоруғ дар даврони истиқлолият таҳти сиёсати маорифпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун маркази илмӣ-маърифатӣ неруҳои зеҳнӣ-илмиро муттаҳид намуда, ба ташаккули кадрҳои илмӣ-омӯзгорӣ ва пешрафти соҳаҳои дигари хоҷагии халқ мусоидат кард ва дар зарфи 28 соли фаъолияташ ба як маркази тавонои илмию таълимӣ ва тарбияи кадрҳои омӯзгорӣ табдил ёфт.

Бо мақсади омода намудани мутахассисони касбӣ, илмӣ ва мутобиқи талаботи муосири ҷаҳонӣ Донишгоҳ бо муассисаҳои таълимӣ илмии ватанӣ ва байналмилалӣ ҳамкорӣ дорад.

Маълум аст, ки сифати таълим ба сифати кадрҳои педагогӣ, дараҷаи кордонию қобилияти эҷодкории онҳо вобастагии зич дорад. Бо камоли қаноатмандӣ метавон гуфт, ки омӯзгорони Донишгоҳ устодони ҳақиқии касби худ буда, доимо дар ҷустуҷӯи шаклу усулҳои самарабахши таълим мебошанд ва ба шогирдони худ донишҳои кофӣ дода, аз рӯи ихтисосҳои замонавӣ онҳоро чун мутахассисони сатҳи ҷаҳонӣ тарбия менамоянд.

Бигузор Соли нави 2021 барои ҳар хонадони аҳли донишгоҳ соли бахосият, пурмаърифат, тинҷиву амонӣ, файзу баракат ва дастовардҳои тоза гардад.

Соли наватон муборак!

ХОРОГ, 30. 12. 2020 /ХОРОГСКИЙ ГОСУДАРСТВЕННЫЙ УНИВЕРСИТЕТ/. 29 декабря 2020 года Хорогский государственный университет имени М.Назаршоева совместно с командой экспертов по продвижению реформы Эразмус+ и Национальным офисом Эразмус + в Таджикистане проводил онлайн семинар «Микро-кредиты: сущность, необходимость, преимущества микропрограмм для работодателей и студентов» для представителей образовательных учреждений высшего профессионального образования Республики Таджикистан по вопросам микро-кредитов: необходимости и преимуществ микропрограмм для работодателей и студентов.

На онлайн - семинаре участвовали представители ВУЗов Республики Таджикистан. Целью семинара является ознакомление с понятием микро-кредиты, использованием микро-кредитов на практике, ознакомление с опытом европейских партнёров и образовательных учреждений высшего профессионального образования Республики Таджикистан, а также ознакомление с понятием потенциальных преимуществ микропрограмм для работодателей и студентов.

Надо отметить, что онлайн - семинар проводился в рамках программы Эразмус+ в Таджикистане при содействии Министерства образования и науки Республики Таджикистан.

Участники представили презентации эксперты по продвижению реформы в сфере высшего образования Ольга Сайфуллоева (Хорогский государственный университет имени М.Назаршоева) — «Микро-кредиты в образовании: сущность, актуальность и преимущества внедрения в системе высшего образования», Рустам Назаров (Национальный центр тестирования при Президенте Республики Таджикистан) — «Примеры краткосрочных обучающих курсов как возможные микро-кредиты», Мамадамон Абдуллоев (Таджикский технический университет имени М.С.Осими) — «Система дистанционного образования: проблемы внедрения и пути решения».

Были заслушаны следующие доклады: «Роль виртуальных лабораторий в развитии профессиональных компетенций студентов (на примере дисциплины "Информационные связи и компьютерные сети», Баходур МУЛЛОДЖОНОВ, Технологический университет Таджикистана; «Краткосрочные курсы – соответствующее условие для внедрения микро-кредитов в системе высшего образования (на примере Технологического университета Таджикистана)», Ахрор ДЖАФАРОВ, Технологический университет Таджикистана.

ХОРУҒ, 26. 12. 2020 /ДОНИШГОҲИ ДАВЛАТИИ ХОРУҒ/ 25 декабри соли равон дар Донишгоҳи давлатии Хоруғ ба номи Моёншо Назаршоев таҳти раёсати муовини ректор оид ба таълим Мамадризо Алимшоев ҷаласаи навбатии Шӯрои олимони донишгоҳ гузаронида шуд.

Дар ҷаласа муовинони ректор, масъулини раёсатҳои таълиму кадрҳо, деканҳои факултету мудирони кафедраҳо ва дигар аъзоёни шӯро иштирок карданд.

Тибқи рӯзномаи ҷаласа муовинони ректор оид ба таълим, илм ва инноватсия, иқтисод ва молия, тарбия, робитаҳои байналмилалӣ перомуни фаъолияти корӣ дар соли 2020 ҳисоботи пурра пешниҳод намуда, асосан масоили рушди илм, навоварӣ, ихтироот, татбиқи бештари барномаҳои илмӣ - омӯзишӣ ва ғайраро мавриди баҳсу баррасӣ қарор доданд.

Дар интиҳо аъзоёни шӯро вобаста ба масъалаҳои ҷорӣ қарорҳои дахлдорро қабул карданд.

ХОРУҒ, 23. 12. 2020 / Дафтари минтақавии БҶИИМК /. 22 декабри соли равон дар дафтари минтақавии Барномаи Ҷонибдории Инкишофи Иҷтимои Манотиқи Кӯҳистон (БҶИИМК) – и Вилояти Мухтори Кӯҳистони Бадахшон дар мавзӯи “Гуногунии биологӣ, муҳиммияти нигаҳдории он ва истифодаи самараноки замин” семинари омӯзишӣ баргузор гашт.

Дар чорабинӣ муовини ректор оид ба илм ва инноватсияи Донишгоҳи давлатии Хоруғ Таҳмина Содатқадамова, декани факултети биология, профессор Акбар Мамадризохонов, мудири шуъбаи омодакунии кадрҳои илмӣ ва илмӣ – педагогӣ Рушонгул Шофақирова ва магистрантону донишҷӯёни соҳаи биологияи донишгоҳ иштирок намуданд.

Семинари омӯзишӣ дар асоси нақшаи минбаъдаи БҶИИМК барои солҳои 2017 – 2022 рӯи кор омада, ҳадаф аз баргузории он рушди соҳаи кишоварзӣ, омӯзиши амиқи гуногунии биологӣ ва ба ин васила тадриҷан расидан ба истиқлолияти ғизоӣ мебошад.

Бояд гуфт, ки дар пешбурди чунин ҳамкориҳо олимони ҷавони Донишгоҳи давлатии Хоруғ минбаъд низ саҳми арзандаи худро  гузошта, фаъолиятҳо ба олимон имконият медиҳанд, ки савияи дониш, таҷрибаву малакаи худро дар пешбурди корҳои илмӣ – тадқиқотии риштаи кишоварзӣ ва истифодаи самараноки захираҳои табиӣ боз ҳам ташаккул диҳанд.

ХОРУҒ, 22. 12. 2020 /ДОНИШГОҲИ ДАВЛАТИИ ХОРУҒ/. Имрӯз, 22 декабр, бахшида ба Рӯзи кормандони соҳаи энергетика бо ташаббуси кафедраи фанҳои муҳандисии факултети илмҳои табиӣ зери унвони «Рушди соҳаи энергетика – кафили пешрафти Тоҷикистон» конференсияи илмӣ – амалӣ доир шуд.

Дар чорабинӣ муовини ректор оид ба илм ва инноватсия Таҳмина Содатқадамова, декани факултет Булбулназар Имомназаров, мудири кафедраи фанҳои муҳандисӣ Ҳабиб Назриев, саромӯзгорони кафедра Равшанбек Сарадбекову Солим Шамшеров ва дигар устодону донишҷӯёни факулта иштироку баромад карданд.

Зимни ифтитоҳи расмии конференсия Т. Содатқадамова қайд намуд, ки рушди соҳаи энергетика дар тараққиёти муназзами иқтисоди Тоҷикистон, хусусан, дар самти татбиқи ҳадафи чоруми стартегии кишвар—саноатикунонии босуръат нақши калидӣ дорад.

- Дар замони соҳибистиқлолии Тоҷикистон инфрасохтори энергетикии кишвар куллан тағйир ёфта, бо татбиқи як қатор лоиҳаҳои сармоягузорӣ имконият фароҳам омад ва дар кишвар низоми ягонаи энергетикӣ ба роҳ монда шуд. Дар ин давра мавриди истифода қарор гирифтани нерӯгоҳҳои барқи обии «Сангтӯда -1», «Сангтӯда - 2», ду агрегати Нерӯгоҳи барқи обии «Роғун», таҷдиду тармим гаштани як қатор иншоотҳои бузурги энергетикии дорои аҳамияти стратегӣ ва дигар корҳои марбут баҳри расидан ба истиқлолияти энергетикӣ пурра мусоидат хоҳанд кард, - иброз намуд, муовини ректор оид ба илм ва инноватсия.

Пешвои муаззами миллат муҳтарам Эмомалӣ Раҳмон ҳам дар Паёми навбатӣ ба Маҷлиси Олӣ қайд карда буданд, ки «Ҳукумати Тоҷикистон ба сармоягузории соҳаҳои иқтисодиёт ҳамчун воситаи асосии саноатикунонии босуръат таваҷҷуҳи хосса зоҳир намуда, дар самти беҳтар гардонидани фазои сармоягузорӣ ва ҷалби ҳарчи бештари сармояи мустақим тадбирҳои мушаххасро амалӣ карда истодааст.»

Бинобар ин, бунёду таҷдиди нерӯгоҳҳои барқи обӣ дар Тоҷикистон ба таъмини тавозуни талабот ба қувваи барқ ва захираҳои об мусоидат карда, дар идоракунии устувори захираҳои обу коҳиш додани норасоии барқ дар минтақа заминаи воқеӣ мегузорад.

Дар чорабинӣ устодони кафедра дар мавзӯъҳои “Гидроэнергетикаи Тоҷикистон замина ва рушди он”, “Таърихи сохтмони НОБ-и Роғун”, “Водные ресурсы Таджикистана в условиях климатических изменений” маърӯза карда, инчунин ассистентон Холиқназарова С, Хуҷаназаров М, Мамаднабиева А, Содиқова С, Ошурмамадова Г, Нуралишоева А. перомуни “Истифодабарии усули обёрии қатрагӣ”, “Гидроэнергетикаи ҷаҳони муосир”,“Ҳамкории байналхалкии Тоҷикистон дар соҳаи энергетика дар мисоли лоҳияи  CASA 1000”,“Топливо энергетический комплекс Республики Таджикистан”, “Таҷдиди соҳаи энергетикаи Тоҷикистон”,“Гидро-энергетические ресурсы Таджикистана и рациональные их использованиябаромад намуданд.

Сипас миёни иштирокдорон дар доираи мавзӯъҳои конференсия табодули афкор сурат гирифт.

“Фурӯғи Маърифат”

Вторник, 22 декабря 2020 04:06

УНВОНИ ИЛМӢ МУБОРАК!

Бо қарори Раёсати Комиссияи олии аттестатсионии назди Президенти Ҷумҳурии Тоҷикистон ба муовини ректор оид ба таълими Донишгоҳи давлатии Хоруғ Алимшоев Мамадризо Мамадасанович унвони илмии дотсент аз рӯйи ихтисоси Таърих дода шуд.
Унвони илмӣ муборак, устоди азиз!

Аз 14 январи соли 2021 дар Донишгоҳи давлатии Хоруғ ба номи Моёншо Назаршоев лоиҳаи TRIGGER - “Ташаккул додани равишҳои инноватсионӣ ва малакаҳои соҳибкорӣ барои донишҷӯён тавассути фароҳам овардани шароит барои шуғли баъдидипломӣ дар Осиёи Марказӣ” ба фаъолият шурӯъ менамояд.

Дар ин бора Тоҷигул Мардонова - ҳамоҳангсози лоиҳа иттилоъ дода гуфт, ки лоиҳаи TRIGGER диққати худро ба се кишвари Осиёи Марказӣ (Қазоқистон, Тоҷикистон ва Узбекистон) равона карда, дар дар даҳсолаи охир тағйироти назаррасе дар ин кишварҳо ба амал хоҳад овард.

- Лоиҳаи болозикр дар татбиқи ислоҳоти амиқи институтсионалӣ ва системавии кишварҳои Осиёи Марказӣ, ки барои таҳкими пояҳои озоди иқтисодӣ муҳиманд, мусоидат карда, дар ин асно ихтилофу монеаҳои назаррасро бартараф хоҳад намуд, - мегӯяд ҳамоҳангсози лоиҳа.

Лоиҳаи TRIGGER ба "таҳкими муносибатҳои байни мактабҳои олӣ ва муҳити васеи иқтисодӣ - иҷтимоӣ" нигаронида шудааст. Яъне он яке аз лоиҳаҳои бисёрҷониба дар доираи минтақаи ягонаи Осиёи Марказӣ буда, ба он се кишвар - Қазоқистону Ӯзбекистон ва Тоҷикистон аз ин минтақа ҷалб мегарданд.

Ҳадафи асосии TRIGGGER, ин мусоидат ба рушди иқтисод тавассути фароҳам овардани шароити мусоид барои беҳтар кардани шуғли хатмкунандагон дар кишварҳои Осиёи Марказӣ, дастгирӣ кардани омодагии донишгоҳҳо ба мушкилоти оянда, бахусус вобаста ба хусусияти соҳибкорӣ ва инноватсионии муҳити таҳсилоти олии онҳо, баланд бардоштани сатҳи маърифати соҳибкорӣ дар донишгоҳҳои шарики кишварҳо, таъсис ва такмили хидматҳои мансабӣ, шуғл ва корхонаҳо дар донишгоҳҳои шарики кишварҳо,  мустаҳкам кардани муносибатҳои байни донишгоҳҳову муҳити васеи иқтисодӣ ва иҷтимоӣ мебошад.

Мавриди зикр аст, ки лоиҳаи болозикр то 14 январи соли 2023 фаъолият намуда, ташкилоти ҳамоҳангсози он Донишгоҳи техникии Кошитсе, Словакия мебошад.

ХОРУҒ, 16. 12. 2020 /ДОНИШГОҲИ ДАВЛАТИИ ХОРУҒ/. Бахшида ба 79 - умин солгарди Шоири халқии Тоҷикистон Ширин Бунёд дар Донишгоҳи давлатии Хоруғ ба номи Моёншо Назаршоев маҳфили адабӣ баргузор гардид. Чорабинӣ бо ибтикори маҳфили «Гулафшон» - и назди Шуъбаи кор бо ҷавонони донишгоҳ ва Шуъбаи бадахшонии Иттифоқи нависандагони Тоҷикистон доир шуда, дар он адибону шоирон, олимон, устодону донишҷӯёни донишгоҳ иштирок ва суханронӣ намуданд.

Раиси шуъбаи бадахшонии иттифоқ Лаълҷубаи Мирзоҳасан оид ба кору фаъолият, зиндагиву эҷодиёт ва ташаббускориҳои шоири ваҳдатсаро Ш. Бунёд ҳарф зада, зикр намуд, ки номбурда тамоми умри пурфайзу баракат, донишу заковат ва дар маҷмӯъ ҷавҳари покизагии имони худро ба рушди адабиёти миллӣ, соҳаи маориф ва шеъру шоирӣ бахшида, барои халқу Ватан хизмати софдилона намудааст. Ширин Бунёд дар саҳифаҳои таърихи Тоҷикистон ном ва нақши худро бо меҳнати хоксорона, вале пурсамараш сабт намудааст.

Мавсуф аз адибони шинохтаю варзидаи тоҷик аст, ки дар адабиёти муосир мақому мартабаи хоси худро дорад ва бо ашъори дилнишинаш дар Тоҷикистон ва берун аз он шуҳрат ёфтааст. Муаллифи китобҳои манзуму мансури хонданист, ки муҳимтарини онҳо «Бомдод» (1982), «Зартеғ» (1985), «Шоҳи тирандоз» (1991), «Гули андеша» (1995), «Шоҳроҳи Ваҳдат» (1999), «Поси хотир» (2000), «Шерозаи ваҳдат» (2003), «Об, Замин ва одамон» (2003), «Нома дар барги ҳавас» (2011) мебошанд. Воқеан симои ӯро чун шоири баркамол, фарзанди содиқу дилбастаи Ватану миллат нишон дода, хонандаро ба ҷаҳони муҳаббату садоқат, арҷгузорӣ ба дастовардаҳои маънавии тамаддуни бузурги миллат, ҳидоят менамоянд. Китобҳои пурарзиши шоир дар тарбияи маънавии наслҳо нақши муҳим доранд.

Ширин Бунёд дар баробари офаридани асарҳои баландғоя, вазифаҳои зиёди ҷамъиятӣ, аз қабили узви Садорат ва раиси Бахши Бадахшони Иттифоқи нависандагони ҷумҳурӣ, раиси бахши вилоятии Бунёди сулҳи Тоҷикистон, узви Шӯрои марказии Ҳаракати ваҳдати миллӣ ва эҳёи Тоҷикистон, узви Комиссияи вилоятӣ оид ба танзими расму оинҳои мардумӣ ва амсоли онҳоро бар зимма доштааст. Барои хизматҳои арзандааш дар ҳаёти сиёсию иҷтимоӣ ва адабию фарҳангӣ сазовори унвони фахрии «Корманди шоистаи Тоҷикистон», ордени «Дӯстӣ», медали юбилейии «10-солагии Иҷлосияи 16-уми Шӯрои Олии Ҷумҳурии Тоҷикистон» ва ғайра гардонида шудааст.

Бояд гуфт, ки дар маҳфили адабӣ, инчунин доктори илмҳои филологӣ, профессор Назрӣ Офаридев, шоир Хушомади Алидод, номзади илмҳои филологӣ Ҳабиба Элназарова, мудири шуъбаи кор бо ҷавонони донишгоҳ Дидоршо Насриддинов дар хусуси «Фаъолияти рӯзноманигории Ширин Бунёд», «Хотираҳо аз мактаби адабии Ширин Бунёд», «Нақши устод Ш. Бунёд дар тарбияи адибони ҷавон» ва «Васфи ваҳдат дар ашъори устод Ш. Бунёд» баромад намуданд. Дар фарҷом донишҷӯёни факултети филологияи тоҷики Донишгоҳи давлатии Хоруғ ашъори баландмазмунро аз эҷодиёти шоири ширинсухан қироат карданд.

"Ҷавонони Тоҷикистон"

Ёздаҳуми декабри соли 2020 дар толори хониши Донишгоҳи давлатии Хоруғ бо иштироки сардори Раёсати кор бо ҷавонон ва варзиши Вилояти Мухтори Кӯҳистони Бадахшон Сураҷ Чоршанбиев, муовини ректор оид ба тарбия Ниёзалӣ Қамбаров, муовини сардори раёсат Юсуф Асадбеков, масъулини Шуъбаи кор бо ҷавонони донишгоҳ ва донишҷӯён ҷаласаи Иттифоқи ҷавонони Тоҷикистон доир гашт.

Н. Қамбаров дар ифтитоҳи чорабинӣ иброз намуд, ки сиёсати давлатии ҷавонон аз самтҳои муҳими сиёсати Ҳукумати Ҷумҳурии Тоҷикистон ба ҳисоб рафта, вобаста ба такмили он хосса аз ҷониби Пешвои муаззами миллат муҳтарам Эмомалӣ Раҳмон пайваста ташаббусҳои воқеӣ амалӣ мешаванд. Ҳамин аст, ки  иштироки  фаъоли ҷавонон дар сиёсат, рушди соҳаҳои иҷтимоӣ, иқтисодӣ ва фарҳангӣ бараъло эҳсос мегардад.

Дар идомаи ҷаласа С. Чоршанбиев, сардори раёсат ва роҳбари филиали Иттифоқи ҷавонони Тоҷикистон дар вилоят перомуни мақсаду маромҳои созандаи иттифоқ ҳарф зада қайд кард, ки он дар ҳаёти имрӯзу ояндаи наслҳо, бахусус ҷавонон саҳми арзанда дорад.

- Иттифоқи ҷавонони Тоҷикистон тамоми кӯшиҳоро ба харҷ медиҳад, то аъзоёни он ҷавонони солимфикру серғайрат бошанд ва дар ободониву созандагии кишвар аз ҳарвақта бештар ҳиссагузор шаванд, - зикр намуд, С. Чоршанбиев.

Мудири шӯъбаи кор бо ҷавонони донишгоҳ Дидоршоҳ Насриддинов дар баромади худ аз дастгириҳои раёсати ДДХ ҷиҳати татбиқи сиёсати давлатии ҷавонон ёдовар шуда, афзуд, ки маҳз бо дастуру супоришҳои ректори Донишгоҳи давлатии Хоруғ, доктори илмҳои физикаю математика, профессор Юсуфзода Гулзорхон Амиршоҳ дар донишгоҳ ҳайати нави Иттифоқи ҷавонони Тоҷикистон интихоб мегардад.

Ҳамин тавр, дар мувофиқа бо ректори Донишгоҳи давлатии Хоруғ раиси филиали Иттифоқи ҷавонони Тоҷикистон дар донишгоҳ Дидоршоҳ Насриддинов, муовини аввали раис Асаншоев Давлатқадам ва Гулшаева Некубахт ба сифати муовини раиси филиали иттифоқ таъин шуданд.

Страница 2 из 110

Маълумот барои тамос

Полное название: Хорогский государственный университет

Адрес: 736000, Таджикистан, г.Хорог ул. Ленин 28

Search